Mei 8
Sheria mbalimbali zinaendelea katika Kumbukumbu la Torati 25 - ya kwanza inahusiana na mahakama ya haki, lakini tunapaswa kukumbuka hapa kwamba Mungu alikuwa akiumba watoto wake kuwa taifa, hivyo mahakama zilifaa; hazitufai sana sisi kama Wakristadelfia kwa sababu tunapaswa kushughulikia kesi ndani ya jumuiya yetu isipokuwa kama sheria ya nchi imevunjwa - katika hali ambayo hii inapaswa kushughulikiwa na mfumo wa sheria wa nchi. Hata hivyo, kwa somo letu la kiroho kutoka mstari wa 1-3 tunaona kwamba mtu anayeadhibiwa anahitaji kuwa na adhabu inayolingana na uhalifu, lakini SI "kushushwa hadhi", yeye bado ni ndugu! Lazima kuwe na kipengele cha kuzuia "adhabu", lakini haipaswi kupita kiasi kwa hasira. Na sheria hizi zinaendelea kuonyesha tabia ya kujali na "fadhili" kwa wengine na vitu vinavyotuzunguka, kwa mfano ng'ombe aliruhusiwa kula wakati anafanya kazi, mstari wa 4, hii ni kuonyesha wema. Vivyo hivyo na hali ya mwanamke ambaye hana familia na mumewe akifa, anapaswa kuonyeshwa wema kwa shemeji yake kumchukua kama mke wake, mstari wa 5-10, tena sheria ambayo haituhusu sasa kwa sababu tunapaswa kuwa mume kwa mke mmoja tu, au mke kwa mume mmoja, lakini hisia za kiroho ziko hapa, yaani, kumtunza mjane. Mstari wa 11-12 ni wenye kupendeza kwa sababu unaonyesha kwamba kila mmoja wa watu wa Mungu apaswa kustahi uhitaji wa kuendeleza ukoo wa familia na mtu yeyote, hata hali iweje, ahitaji kustahi hili na kutotokeza hatari yoyote katika kuharibu viungo vya uzazi, mstari wa 11-12. Pia, inaonyesha heshima ya sehemu hizo za mwili zinazopaswa kuwa za siri! Somo kuhusu mizani na vipimo visivyo vya uaminifu ni rahisi kwetu kuelewa katika maisha yetu sasa, mstari wa 13-16, yaani uaminifu! Mara kwa mara tunakumbushwa kwamba kama watu wa Mungu tunapaswa kuwa waaminifu katika kila jambo!
Somo tunalopata kutokana na mstari wa 17-19, ingawa halituhusu sasa, ni kwamba Mungu hasahau kamwe, anawajua wale wanaopinga mapenzi yake, na atahukumu anavyoona inafaa - kwa hiyo tunakumbushwa - "msisahau!". Wimbo Ulio Bora 5 unaendelea na arusi, mstari wa 1, lakini bwana-arusi anaondoka na bibi-arusi lazima amtafute, mstari wa 6, je, “tunamtafuta” bwana-arusi wetu, yaani Yesu? Wayahudi, ambao walipaswa kumtambua, hawakumtambua na walimkataa, hivyo, tunahitaji kutamani Yesu arudi na kufanya tuwezavyo ili kumpendeza daima. Matendo 20 inahusu umuhimu wa mafundisho sahihi, sambamba na kukosoa mafundisho ya wongo. Umuhimu wa kufundisha upo wazi kabisa, kwamfano, mstari wa 2, 7, 17, 20, 24, 25 na 27; siku ambazo Paulo alikuwa akisafiri angezungumza kuhusu imani yake kwa wasafiri wenzake, kwa hiyo, onyo lake kwa ndugu na dada zake kuhusu walimu wafisadi lilitoka moyoni. Angehuzunika kwamba “mbwa-mwitu wakali” wangeingia na kuharibu mafundisho ya Yesu, mstari wa 28-31, Paulo, alikuwa akiwahimiza waamini wenzake wawe macho. Vivyo hivyo, tunapaswa kuwa macho na waalimu wa uwongo na kuwa macho kwa kuangalia katika Biblia, ili kuona kama wanachosema ni kweli au la, kwa sababu hatutaki kupotoshwa na wale wanaopendezwa tu na msimamo wao wenyewe. Tuna tumaini zuri sana la wakati ujao kwa hiyo tunapaswa kusimama imara, mstari wa 32-35, ni “kazi ngumu”, lakini ahadi tuliyo nayo ya nafasi katika ufalme ina thamani yake!